Námskeið í þæfingu - Kertaljós - Krukkur - Kósý

Þæfingarnámskeið
Kertaljós - Krukkur og Kósý

Hvenær:  Fleiri námskeið eru væntanleg en dagsetning hefur ekki verið ákveðin.  Sendið fyrirspurn ef þið hafið áhuga.

Síðast haldið laugardaginn 8. nóvember 2025, kl. 10-15.  (5 klst með neysluhléum)

Smelltu hér fyrir skráningu á námskeiðið

Þæfingarnámskeið með haustþema. Kennt verður að þæfa ull utanum krukkur og kertaglös. Skreytt með þæfðum skreytingum.

Námskeiðið hentar öllum, ungum sem öldnum.

Hvar:   Í Rúnalist Gallerí , Stórhól Skagafirði

Námskeiðsgjald: 24.000,- kr
Staðfestingagjald:  6.000,- kr. sem dregst frá námskeiðsgjaldinu við greiðslu þess.

Hvað er innifalið? Allt hráefni er innifalið ásamt, námskeiðsgögnum, molakaffi og hádegis hressingu.

Ítarleg námskeiðslýsing:

Við munum stuttlega skoða mismunandi ullargerðir og sýnishorn. Kennd verður grunntækni í flatri og holri þæfingu. Farið í eðlisþætti íslensku ullarinnar sýnt og sagt frá hvað gerist við þæfingu og hvað við getum gert og notað til að auðvelda okkur ýmsa hluti í ferlinu.

Markmiðið er að nemendur geti að námskeiði loknu, nýtt þekkingu sína til að þæfa sambærilega hluti. Að nemendur læri hvernig hægt er að endurnýta t.d. krukkur og glös í persónulegar og skemmtilegar gjafir. Að nemendur leiði hugann að sjálfbærni og hringrásarhagkerfinu, hvað við getum lagt að mörkum.
Að þæfa með ull er skemmtileg og skapandi vinna sem hentar fólki á öllum aldri.

ATH. Námskeiðið er styrkhæft til Starfsmenntasjóða Stéttarfélaganna.

Nemendur fá viðurkenningarskjal að námskeiði loknu.