Býlið

Stórhóll er staðsettur í Skagafirði í Lýtingsstaðahreppi hinum forna, um 18 km í suður frá  Varmahlíð við veg 752 Skagafjarðarveg.   

Stórhóll er lítil jörð,  50 ha og hefur verið í okkar eigu frá 2008, en við fluttum á Stórhól 1999.  Við búum með geitur, hross, kindur, endur, hunda og ketti.  Árið 2011 festum við kaup á 3 gámum sem byggðir voru saman  og er þar í dag Rúnalist Gallerí og vinnustofa.

Rúnalist Gallerí er lítil sveitabúð á býlinu, með fjölbreyttar matvörur beint frá býli, bæði frá okkur og öðrum smáframleiðendum. Við bjóðum einnig upp á fjölbreytt og einstakt handverk og nytjavörur sem að mestum hluta er unnið heima á býlinu.